Азия өнүктүрүү банкы (АӨБ) Кыргыз Республикасынын Энергетика министрлигине колдоо көрсөтүү максатында сатып алуулар боюнча адистин (Procurement Specialist) кызмат ордуна улуттук жеке консультантты ишке тартуу боюнча сынак жарыялайт.
Адис төмөнкү долбоорлордун алкагында сатып алуулар боюнча иш-чараларды коштоо жана координациялоо иштерин жүргүзөт:
- «Токтогул ГЭСин реабилитациялоо. 3-фаза» долбоору (Toktogul Rehabilitation Phase 3 Project) — маалыматтарды борборлоштуруп чогултуу жана иштеп чыгуу системасын модернизациялоо жана кеңейтүү багытында.
- «Үч-Коргон ГЭСин модернизациялоо» долбоору (Uch-Kurgan Modernization Project) — Энергетика министрлигинин тармактык реформаларды колдоо жана ишке ашыруу боюнча потенциалын жогорулатуу компонентин жүзөгө ашыруу багытында.
Сынак тууралуу негизги маалымат:
- Буйрутма берүүчү: Кыргыз Республикасынын Энергетика министрлиги.
- Ишке тартуу форматы: улуттук жеке консультант.
- Иштөө мөөнөтү: узартуу мүмкүнчүлүгү менен 12 ай.
- Иштин болжолдуу башталышы: 2026-жылдын 1-декабры.
- Арыздарды кабыл алуунун акыркы мөөнөтү: 2026-жылдын 20-ноябры.
Сынак, техникалык тапшырма (Terms of Reference), талапкерлерге коюлган квалификациялык талаптар жана арыз берүү тартиби жөнүндө кеңири маалымат төмөнкү шилтеме аркылуу жеткиликтүү:
https://selfservice.adb.org/OA_HTML/adb/xxcrs/jsp/ADBCsrnFwd.jsp?sel=231456
Бардык кызыкдар адистерди сынактын шарттары менен таанышып, катышууга арыз берүүгө чакырабыз!